Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Partia e Lirisë hedh poshtë anketën e TALIS: Manipulim, politikë numrash dhe fasadash
PiranjatPërditësimi i fundit 12 Tetor 2025, 10:46
Zëvendës Sekretarja e Përgjithshme e Partisë së Lirisë, Brunilda Haxhiu, në një deklaratë për mediat, ka reaguar ndaj qeverisë dhe Ministrisë së Arsimit, duke e akuzuar atë për propagandë dhe dështim në adresimin e problemeve reale në sistemin arsimor të vendit.
Haxhiu theksoi se qeveria po përpiqet të mbulojë mungesën e sigurisë, cilësisë në shkolla, pagave të ulëta dhe kushteve të vështira të punës për mësuesit, përmes manipulimit të statistikave dhe publikimit të të dhënave të përzgjedhura nga anketa ndërkombëtare TALIS.
“Në Shqipëri manipulojnë vullnetin e qytetarëve e jo më të mësuesve që detyrohen të angazhohen në çdo fushatë rilindase dhe të shpërndajnë statuse politike në rrjetet sociale,” u shpreh ajo.
Sipas Haxhiut, profesioni i mësuesit është bërë gjithnjë e më pak i preferuar nga të rinjtë, për shkak të mungesës së dinjitetit, sigurisë dhe respektit që ai dikur gëzonte.
“Kjo nuk është zhvillim, por një masë emergjente për të maskuar dështimin. Nuk është politikë arsimore, por politikë numrash dhe fasadash,” theksoi Haxhiu.
Në vijim, ajo citoi gjetje të raportit TALIS, ku mësuesit shqiptarë raportojnë nivel të lartë stresi dhe mungesë mbështetjeje, kushte pune të vështira dhe pakënaqësi me mjedisin profesional, trajnime formale, pa ndikim praktik në përmirësimin e cilësisë së mësimdhënies, karrierë profesionale të bllokuar nga burokracia dhe mungesa e meritokracisë.
Haxhiu paralajmëroi se mungesa e strategjisë dhe keqmenaxhimi kanë sjellë mungesë mësuesish në shumë zona të vendit, ndërsa shumë profesionistë të arsimit po largohen drejt emigracionit apo profesioneve të tjera më të paguara dhe të respektuara.
“Sot Shqipërisë i mungon strategjia, jo mësuesit e mirë. Ata janë aty të lodhur, të zhgënjyer, por ende të përkushtuar. Dhe është detyra e çdo qeverie serioze t’u japë atyre vendin dhe dinjitetin që meritojnë,” përfundoi ajo.
