Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Socialistët bllokuan arrestimin e Ballukut, raporti i PE: Imuniteti duhet të trajtohet pa ndërhyrje politike
PiranjatPërditësimi i fundit 5 Maj 2026, 14:48
Në raportin për Shqipërinë për vitin 2025, të miratuar nga Komisioni i Jashtëm i Parlamentit Evropian, përmendet edhe çështja e imunitetit parlamentar, si një referencë ndaj rastit të Belinda Ballukut, ish zv kryeministres dhe ish ministres, për të cilën SPAK kërkoi arrestimin, por socialistët me votat e tyre, e penguan duke mos i hequr imunitetin.
Raporti që u miratua me 58 vota pro, 7 kundër dhe 7 abstenim, nënvizon faktin se si çështja e imunitetit duhet trajtohet strikt në përputhje me dispozitat kushtetuese dhe procedurat ligjore të përcaktuara, pa ndërhyrje politike dhe pa vonesa të pajustifikuara.
“Kujton se imuniteti parlamentar është pjesë e kuadrit kushtetues të projektuar për të garantuar funksionimin e duhur të institucioneve demokratike; thekson se çdo vendim në këtë drejtim duhet të merret strikt në përputhje me dispozitat kushtetuese dhe procedurat ligjore të përcaktuara, pa ndërhyrje politike dhe pa vonesa të pajustifikuara”, sqarohet në raportin e PE-së.
Kujtojmë që muaj më parë, SPAK iu drejtua Kuvendit me një kërkesë për t’i hequr imunitetin e deputetes Belinda Ballukut, e marrë e pandehur për shkelje të barazisë në tenderin e tunelit të Llogarasë si dhe nën hetim edhe për një sërë procedurash të tjera tenderuese në Lotet e Unazës së Madhe.
Socialistët e shtynë për disa kohë mbledhjen e Këshillit të Mandateve dhe Imuniteti, ndërsa më pas më Kuvend, e rrëzuan kërkesën me votat e tyre. Ndaj Ballukut, SPAK ka nisur edhe një hetim pasuror.
