Drejtori i Hekurudhës Shqiptare Ergys Verdho është paraqitur këtë të premte në Prokurorinë e Posaçme.
Deri m&e...
POLITIKE
U godit në protestën e PD-së, Aulon Kalaja: Me metoda fashiste nuk më ndalin dot, kam kallëzuar policët, do e çoj deri në fund!
PiranjatPërditësimi i fundit 20 Prill 2026, 21:42
Aulon Kalaja ka reaguar pas protestës së zhvilluar disa ditë më parë pranë Kryeministrisë, ku ai përfundoi në spital së bashku me disa protestues të tjerë. Në një intervistë për Euronews Albania, Kalaja rrëfeu për trajtimin mjekësor që mori dhe akuzat e ngritura ndaj tij nga policia për “goditje për shkak të detyrës”, një vepër penale që parashikon deri në pesë vite burg.
Ai deklaroi se menjëherë pas daljes nga spitali ka bërë kallëzim në AMP, duke dorëzuar edhe raportin mjeko-ligjor, ndërsa akuzoi policinë për torturë dhe shkelje të ligjit në disa pika. Sipas tij, protesta ku mori pjesë ishte paqësore dhe nuk kishte synim pushtimin e Kryeministrisë.
Kalaja e cilësoi akuzën ndaj tij si të pabazë dhe “primitive”, duke theksuar se do ta çojë çështjen deri në fund dhe se nuk do të ndalet nga “metoda fashiste”.
Pjesë nga fjala e z. Aulon Kalaja:
“Mjekët konstatuan kontuzion dhe shembje në kokë e qafë, ndaj më thanë të mbaj këtë qafore për 21 ditë dhe më pas të bëj një kontroll të dytë. Pas katër orësh dola nga spitali, ndërsa të nesërmen u kallëzova nga policia për ‘goditje për shkak të detyrës’, një akuzë që parashikon nga 1 deri në 5 vite burg. Nëse ata kanë prova që unë kam goditur, unë tërhiqem.
Menjëherë shkova në AMP ku bëra kallëzim, bashkë me raportin mjeko-ligjor. Akuza ime ndaj policisë është për torturë, pasi në katër pika ata kanë shkelur ligjin duke më goditur. Ne ishim gjithsej 30 persona, paqësorë, nuk po pushtonim Kryeministrinë.
Kam një pyetje publike: nëse unë e kam goditur policinë, pse nuk më arrestuan në moment? Mendoj se kjo është një akuzë primitive që do të rrëzohet në mënyrë spektakolare. Unë këtë çështje do ta çoj deri në fund, sepse nuk më ndalin dot me metoda fashiste.”- tha Kalaja
