Çdo mbrëmje pas orës 18:00, mijëra të rinj zbresin në qendër të Tiranës. Ata nuk sjellin vetëm pankarta dh...
POLITIKE
Zbardhet axhenda e deputetëve të PD në Berlin, takime intensive në Bundestag dhe qeverinë gjermane
PiranjatPërditësimi i fundit 19 Mars 2026, 11:04
Përfaqësues të Partisë Demokratike po zhvillojnë një axhendë intensive takimesh në Berlin, në institucionet kyçe politike të Gjermanisë, në një moment të rëndësishëm për procesin e integrimit europian të Shqipërisë. Burime konfirmojnë se delegacioni i opozitës shqiptare, i përbërë nga Kryetari i Grupit Parlamentar Gazment Bardhi, Kryetarja e Komisionit për të Drejtat e Njeriut Jorida Tabaku dhe Nënkryetari i Komisionit të Sigurisë Klevis Balliu, ka nisur që në mëngjes angazhimet në nivele të rëndësishme të Bundestagut dhe të qeverisë gjermane.
Takimi i parë është ai me Peter Beyer, drejtues i Grupit për Ballkanin Perëndimor në Bundestag dhe raporter për Shqipërinë, një figurë kyçe në vendimmarrjen gjermane për procesin e zgjerimit të BE-së. Sipas axhendës, takimet e tjera janë të fokusuara në çështje kyçe të procesit të integrimit europian, përfshirë funksionimin e shtetit të së drejtës, luftën kundër korrupsionit dhe garantimin e zgjedhjeve të lira dhe të ndershme.
Kryetarin e Komisionit për Europën, Anton Hofreiter Kryetarin e Komisionit të Jashtëm, Armin Laschet Anëtarin e strukturave për çështjet europiane dhe përfaqësues në Asamblenë Parlamentare të Këshillit të Europës, Knut Abraham Kryetaren e Komisionit për të Drejtat e Njeriut, Mechthild Heil Deputetin e Bundestagut, Tilman Kuban Zëdhënësin për politikën e jashtme, Jürgen Hardt Ministrin e Shtetit për Europën në Ministrinë e Jashtme Federale, Günther Krichbaum
Pak kohë më parë, gjatë një vizite në Tiranë, Kryetari i Komisionit të Jashtëm në Parlamentin Europian, David McAllister, theksoi se procesi i zgjerimit bazohet në meritë dhe në rezultate konkrete në sundimin e ligjit dhe standardet demokratike. Ai e cilësoi gjithashtu çështjen e Belinda Ballukut si një test të rëndësishëm për seriozitetin e Shqipërisë në luftën kundër korrupsionit. Në këtë kontekst, mbetet domethënëse edhe vota e PS kundër SPAK, një zhvillim që ka ngritur pikëpyetje në Berlin, në Bruksel dhe në kryeqytete të tjera europiane mbi angazhimin real të qeverisë shqiptare në këtë drejtim.
Gjatë takimeve të djeshme, por edhe në diskutimet e sotme në Bundestag dhe në qeverinë federale, opozita shqiptare po paraqitet si një faktor që synon të garantojë standardet e kërkuara për procesin e integrimit europian. Një nga objektivat e këtyre takimeve është konsolidimi i saj si një aktor kyç në ndërtimin e një procesi më të besueshëm integrimi, duke sinjalizuar se është e gatshme të udhëheqë këtë proces mbi bazën e standardeve europiane.
