Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Zgjedhjet e 11 majit/ Rama prezanton kandidatët për deputet në Tiranë: Kemi partinë më të re në listën e kryeqytetit
r.llPërditësimi i fundit 21 Mars 2025, 19:43
edi rama
TIRANË- Partia Socialiste po zhvillon sot prezantimin e kandidatëve për deputet në qarkun e Tiranës. Kryeministri Edi Rama mori fjalën pasi ministrja Ogerta Manastirliu dhe kryeparlamentarja Elisa Spiropali prezantoi ekipin e kandidatëve. Rama u shpreh se me këtë skuadër i kanë dhënë Tiranës dhe qytetarëve të saj mundësinë që të zgjehdin persona të cilën do t'i përfaqësojnë denjësisht në Kuvend.
Kryesocialisti tha se kanë ndërtuar partinë më të re mes gjithë të tjerave, ndërsa shton se brenda saj ka dhe eksperiencën e viteve të qeverisjes. Ai u shpreh se hedhja e votës kudo tjetër përveç se te PS do të thotë ta cosh votën dëm.
"Jam shumë krenarë për këtë skuadër dhe besoj që me këtë skuadër i kemi dhënë të gjithë Qarkut të Tiranës një ofertë të plotë, të gjitha moshave një mundësi zgjedhjeje vajzave dhe grave një buqetë ku mund të zgjedhin pa dyshim përfaqësuesen e tyre në Kuvend. I kemi dhënë të rinjve dhe te rejave të bejnë zgjedhjen e tyre dhe duke qënë pjese e kësaj skuadre dhe të gjithë profesioneve mundësinë që duke votuar për PS, të zgjedhin një vajzë, djalë, burrë apo grua, pa pasur asnjë dyshim që do përfaqësohen denjësisht. Kemi ndërtuar Partinë më të re që eshtë sot në të gjithë atë fletë të madhe votimi për Tiranën.
Një parti të re, ama një shalqi me provë, që brenda vetes ka të gjithë eksperiencën e këtyre viteve qeverisëse duke i dhënë qytetarëve të Tiranës, mundësin që të shohin përpara përmes të rese edhe të ndodhen të sigurte që rruga jonë përpara është e garantuat përmes eksperiencës. Të dyja këto bashkë janë jo të lehta dhe gjendet vetëm te PS. Të gjithë të tjerët majas e djathtas fletës së votimit, janë ose të kalbur, ose pa asnjë eksperiencë. Hedhja e votës kudo tjetër përveçse se te PS, aty te numri 5, është ta çosh votën kot. Në të gjithë këtë rrugë të 11 majit do dëgjoni, do pyesni dhe kuptoni se çfarë duam të bëjmë ne jo në shkallë vendit, por të çdo komuniteti.", tha Rama.
