Ish-zëvendëskryeministri Arben Ahmetaj, në një intervistë me “Çim Peka Live”, deklaroi se Rama e ka humbur fuqin&eum...
POLITIKE
“Zgjedhjet nuk ishin të lira”, Berisha: Rama i bëri presion përfaqësuesit të OSBE-ODIHR
PiranjatPërditësimi i fundit 5 Dhjetor 2025, 12:16
Kryetari i Partisë Demokratike, Sali Berisha akuzoi Edi Ramën se me paratë e ardhura nga droga organizoi aktivitete gjatë zgjedhjeve që e cila është e ndaluar sipas ligjit elektoral. Berisha tregoi se Rama u dha pensionistëve nga 100 euro para zgjedhjeve, që të kishte ndikim tek votimi i tyre, gjithashtu fali gjobat e bizneseve.
Kreu i PD-së akuzoi Ramën se thirri në zyrë drejtuesin e OSBE/ODIHR për ti bërë presion pasi ky i fundit publikoi raportin ku nxirrte në pah parregullsitë gjatë votimeve.
Pjesë nga fjala e Berishës:
"Me paratë e drogës organizoi 4500 aktivitete në 4 muajt e ndaluar që të mos kishte ndikim tek votuesit. I dhuroi çdo pensionisti 100 euro. Fali gjobat dhe kamatat e bizneseve, ato kanë rezultuar 1 miliardë e 700 milionë euro. Vetëm në biznese kanë përfituar 2010 familje.
I përdori dhe shpalli dy ditë para zgjedhjeve. Ky raport i OSBE-ODHIR i shpalli zgjedhjet, zgjedhje të partisë shtet. Edi Rama thirri në zyrë dhe kërcënoi si bandit diplomatin që kërcënonte ekipin e vëzhguesve dhe u tha ku janë këto të dhënë që keni shkruar. Këta janë të gatshëm të kërcënojnë faktorin ndërkombëtar.
Ai zotëria nderoi institucionin që përfaqësonte, ishte i dobishëm për institucionin e tij dhe nxori raportin ndërsa propaganda përpiqet t’ia mohoj. Rezultatet e zgjedhjeve e diktoi partia shtet, droga, krimi por përsëri këto institucione të cilat janë të besimit e mirë të vëzhgimit të zgjedhjeve kanë dhënë 21 rekomandime për përmirësimin e kuadrit ligjor të zgjedhjeve. Ata qëndruan të vërtetë nuk u ndikuan nga Rama dhe u thanë shqiptarëve të vërtetën dhe i konsiderojmë të dobishëm rekomandimet e tyre.
Me Edi Ramën nuk ka zgjedhje, dhe ata që mendojnë ndryshe kanë mungesë të kulturës ligjore ose janë me dashje ose pa dashje pjesë e farsës së Edi Ramës. Dhe altoparlantët e Ramës thonë se e ka fajin opozita që nuk frymëzon opozita ashtu si në Rumani dhe Poloni. Por këtu nuk ka liri që opozita të veprojë kështu, Rama është kapur në flagrancë për vjedhjen në tunelin e Llogarasë dhe tani mashtron paturpësisht se vetë ky e mori Ballukun dhe e çoi në Turqi të firmoste tenderin”.
