Deputetja e Partisë Socialiste, Elisa Spiropali, i është drejtuar me një letër publike kryeministrit Edi Rama, pas protestave të d...
SHOWBIZ
Aurela Gaçe iu kërkon politikanëve shqiptarë të reflektojnë mbi premtimet e dhëna ndaj qytetarëve
PiranjatPërditësimi i fundit 16 Tetor 2026, 18:53
Këngëtarja e njohur shqiptare, Aurela Gaçe, ka publikuar një mesazh kritik drejtuar klasës politike ndërsa kërkoi reflektimin e drejtuesvë të vendit për premtimet e dhëna ndaj qytetarëve ndër vite. Gaçe gjatë citimit të saj ngre pikëpyetjet mbi zhvillimet me të cilat Shqipëria është përballur në sajë të politikanëve të vitit ’90 e deri të udhëheqësit e sotëm.
Përmes postimit të saj ajo argumentoi se përfaqësuesit politikë janë në atë post për shkak të votave të këtij populli duke theksuar njëkohësisht edhe pritshmëritë për një jetë më të mirë dhe një të ardhme më të sigurt për brezat e rinj. Në përfundim të reagimit të saj këngëtarja shtroi një tjetër pyetje sa i përket lumturisë së popullit shqiptar në këto 3-4 dekada udhëheqjeje. Aurela Gaçe shprehu kështu shqetësimin e saj për gjendjen e shoqërisë shqiptare gjatë dekadave të fundit.
Deklarata e plotë e këngëtares Aurela Gaçe:
Një pyetje drejtuar atyre që na kanë drejtuar drejtojnë. Të dashur politikanë (them të dashur, se edhe ju po njësoj i drejtoheni popullit tuaj), duke filluar nga vitet e ndryshimeve të mëdha, vitet ’90 e deri tani në 2026, a besoni se keni bërë më të mirën për këtë popull?
Për popullin që besoi se ju e doni e ju dha votën e besimin që t’u sillni një të ardhme më të mirë për ta e fëmijët?
A besoni se populli ka qenë e është i lumtur në këto 3-4 dekada nën drejtimin tuaj?, përfundon këngëtarja./
