Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
SHOWBIZ
“The Social Network 2” vjen në kinema në 2026, Jeremy Strong në rolin e Mark Zuckerberg
PiranjatPërditësimi i fundit 1 Tetor 2025, 16:40
Këtë herë, roli i themeluesit të Facebook, Mark Zuckerberg, do të luhet nga aktori Jeremy Strong, i njohur për rolin e Kendall Roy në serialin “Succession”. Në filmin origjinal të vitit 2010, rolin e Zuckerberg e interpretoi Jesse Eisenberg, i cili nuk do të jetë pjesë e kastit të ri.
Regjia dhe skenari i filmit i janë besuar sërish Aaron Sorkin, i cili ka zgjedhur të mos rikthejë David Fincher-in si regjisor, por ta marrë vetë drejtimin e projektit. Filmi nuk do të jetë një vazhdim klasik, por më tepër një reflektim mbi zhvillimet më të fundit që lidhen me Facebook, tani “Meta”, përfshirë skandalet me rrjedhje informacioni, ndikimin në shëndetin mendor të përdoruesve dhe përhapjen e dezinformimit.
Në kastin e aktorëve do të përfshihen edhe Mikey Madison në rolin e Frances Haugen, ish-punonjësja e Facebook që denoncoi publikisht praktikat e dëmshme të kompanisë, Jeremy Allen White si Jeff Horwitz, gazetari që publikoi të ashtuquajturat “Facebook Files”, si dhe Bill Burr, në një rol ende të pa zbuluar.
Filmi pritet me interes të madh nga publiku dhe industria e filmit, pasi “The Social Network” i vitit 2010 u bë një nga filmat më të vlerësuar të dekadës, me tre çmime Oscar dhe një ndikim të madh kulturor.
