Me thirrjet 'polici këtu na ke, ti mbron krimin dhe jo ne' protestuesit po protestojnë para Drejtorisë së Policisë së Ti...
AKTUALITET
Me mijëra qytetarë në rrugë edhe pas 20 ditësh, mbushet sheshi para Kryeminsitrisë
PiranjatPërditësimi i fundit 19 Qershor 2026, 19:44
Pas 20 ditësh protestash të pandërprera, qytetarët janë mbledhur sërish këtë mbrëmje para godinës së Kryeministrisë, duke vijuar mobilizimin e tyre kundër qeverisë dhe kryeministrit Edi Rama.
Pavarësisht kalimit të gati tre javëve nga nisja e protestës, pjesëmarrja mbetet e konsiderueshme, me qindra qytetarë që i janë bashkuar tubimit të radhës në bulevardin “Dëshmorët e Kombit”.
Ashtu si në ditët e mëparshme, thirrja që dominon protestën është “Rama, jep dorëheqjen”, e shoqëruar edhe me sloganet “Rama ik” dhe “Ju erdhi fundi”, të cilat dëgjohen vazhdimisht nga turma.
Aktualisht kanë nisur fjalimet nga podiumi i ngritur përballë Kryeministrisë, ku përfaqësues të protestës po mbajnë qëndrimet e tyre lidhur me situatën politike në vend dhe kërkesat e qytetarëve.
Protesta, e cila nisi fillimisht si reagim ndaj projektit në Zvërnec, është shndërruar në një lëvizje më të gjerë kundër qeverisë, me kërkesën kryesore që mbetet largimi i kryeministrit Edi Rama dhe mbajtja e zgjedhjeve të lira.
Organizatorët kanë deklaruar se protesta do të vazhdojë edhe në ditët në vijim, duke theksuar se qytetarët nuk do të tërhiqen deri në realizimin e kërkesave të tyre.
