Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
EDITORIAL
Gracka e kandidimeve
PiranjatPërditësimi i fundit 7 Tetor 2025, 21:52
Nga Bekim Lekica
Kandidatura e aktorit të humorit, Florjan Binaj, për Bashkinë e Tiranës duket se ka zënë në grackë jo vetëm palën kundërshtare dhe analistët, por edhe vetë opozitën.
Një kandidaturë plotësisht e pastër – pa të kaluar politike dhe pa asnjë njollë korrupsioni. Një emër që prej afro 20 vitesh i ka denoncuar plagët e shoqërisë dhe aktualitetin politik nëpërmjet humorit, ironisë dhe sarkazmës së thellë. Pala kundërshtare, e zënë në befasi, nuk ka mbajtur ende asnjë qëndrim, reagim apo akuzë.
Binaj i ka lënë në një gjendje shoku.
Ajo që bie në sy është qëndrimi i disa analistëve skajshmërisht të anshëm në argumentet e tyre në studiot televizive apo nëpërmjet shkrimeve editoriale. Kandidaturën e Florjan Binajt e kanë lidhur me akuza të tipit:
Aktori i humorit ngatërron Portokallinë me Bashkinë e Tiranës”,
“Bashkia e Tiranës nuk është humor”,
“Njeriu që imiton Ramën, bëhet kundërshtar i tij”, etj.
Sa poshtë bien këta “analistë” që e mbajnë publikun të lidhur pas propagandës së tyre, njëlloj si dikur kinematografia shqiptare me filmat që për dekada i ngulitën popullit në mendje mesazhin se “Partia e Punës e bëri Shqipërinë kopsht me lule në zemër të Europës”.
Nga ana tjetër, fraksionet opozitare që prej katër a pesë vitesh tundin flamurin e “frymës së re”, “mundësisë” janë zënë në befasi. Të heshtur, në pritje të një “hakmarrjeje të qetë” ndaj emrit të Binajt.
Kujtojmë se opozita në Tiranë, prej tre mandatesh, është përfaqësuar me kandidatë me integritet personal e profesional – pavarësisht humbjeve përballë një makinerie shtetërore që kontrollon gjithçka.
A duhet të mbështetet Florjan Binaj si kandidaturë e pavarur për Tiranën? Dhe pse?
Përgjigjja është një PO e qartë – nga qytetarë të të gjitha bindjeve politike.
Ja pse:
1-Është një figurë jashtë politikës.
Nuk vjen nga struktura politike, nuk është produkt i pazareve apo lobeve partiake.
2-Ka një të kaluar të pastër.
Asnjë lidhje me korrupsionin, abuzimin me detyrën apo përfitimet nga pushteti. Asnjë ditë nuk ka punuar në administratë shtetërore.
3-Ka denoncuar padrejtësitë ndër vite.
Në skenë, me humor e sarkazëm, ka ngritur zërin për padrejtësitë, vjedhjet dhe abuzimet që i janë bërë këtij vendi.
4-Ngjall shpresë.
Përfaqëson një model të ri. Një mundësi për t’u rikthyer te demokracia e vërtetë. Ai dëshmon se ky vend ka qindra të tjerë si ai – njerëz që mund ta ndërtojnë këtë qytet, këtë vend dhe këtë shtet
