Teksa pritet që të nisë pas pak protesta e qytetarëve para bulevardit Dëshmorët e Kombit, policia ka marrë masa.
Siç ...
POLITIKE
Belind Këlliçi reagon për dhunën në Zvërnec: Të fortët kanë marrë pronën, plaçkitje e turpshme që i bëhet shqiptarëve
PiranjatPërditësimi i fundit 31 Maj 2026, 12:19
Deputeti Belind Këlliçi ka reaguar lidhur me incidentin e ndodhur në Zvërnec, ku sipas tij një protestues është dhunuar nga persona të maskuar në prani të Policisë së Shtetit.
Përmes një deklarate publike, Këlliçi e cilësoi ngjarjen si tregues të gjendjes së demokracisë dhe shtetit ligjor në Shqipëri, duke akuzuar qeverinë se mbron interesat e biznesmenëve të lidhur me pushtetin në dëm të qytetarëve.
Reagimi:
Kjo video tregon gjendjen e Shqipërisë sot. Dhuna nga civilë të maskuar ndaj një protestuesi në Zvërnec, në prani të Policisë së Shtetit, është panorama reale e vendit tonë.
Të fortët e lidhur me Edi Ramën kanë marrë pronën, nuk bëjnë transparencë dhe dhunojnë qytetarët që ngrenë zërin. Aty është policia e shtetit që nuk mbron qytetarët por ndihmon klientin e qeverisë. Kthehet në gardë pretoriane për oligarkët dhe kjo nuk është hera e parë që ndodh. Dhe për ta bërë edhe më të plotë pamjen e demokracisë që kemi sot, ky skandal i rëndë nuk u pasqyrua dje në asnjë prej mediave kryesore të vendit. Një censurë e turpshme.
Sikur të mos ishin aktivistët dhe rrjetet sociale, askush nuk do kishte dijeni për dhunën e Zvërnecit. Videot qarkulluan në rrjet si librat e verdhë dikur.
Në monologun e tij sot, Edi Rama e injoroi këtë ngjarje të rëndë, tronditëse, dhe si zakonisht bëri propagandën e neveritshme e të dalë boje për arritjet e Shqipërisë. Më parë, Kryeministri ishte shprehur në favor të biznesit që ai vetë ka lejuar aty.
Ajo që ndodhi në Zvërnec, është ajo që po ndodh në Shqipëri. Plaçkitje, marrje pasurie, përfitim, për ata që janë afër Edi Ramës dhe mosdhënie informacioni, mospërfillje e dhunë për qytetarët.
Shqipëria që po hap kapituj e po integrohet në BE!!!
