Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Pas denoncimit të gazetarit italian, reagon deputeti Gjoni: Takimi i Aruba-s tregon Ramën si kreun e koalicionit kartel-qeveri. BE dhe SHBA të reagojnë!
PiranjatPërditësimi i fundit 25 Shtator 2025, 21:15
Deputeti i PD Gjin Gjoni në një postim në rrjetin social facebook akuzon kryeministrin Rama se në takimin e Aruba-s u ekspozua si kreu I një koalicioni me bazë të gjerë kartel-qeveri.
Gjoni shkruan se si asnjë lider tjetër në Evropë, Rama u ka dhënë karteleve jo vetëm vende në Parlament dhe Bashki, por u ka vënë në dispozicion një port, banka, Drejtorinë e Pastrimit të Parave dhe drejtësinë e re.
“Me paratë që pastrojnë kartelet në ndërtim në Tiranë dhe bregdet, nga Dhërmiu në Shëngjin, Edi Rama merr përqindje nga studiot arkitekturore, nga Belgjika në Holandë.
Kartelet e Edi Ramës kanë përgjakur Elbasanin, ku gjatë dekadës së fundit janë vrarë 30 persona; kanë përgjakur Shkodrën e Kulturës, ku nga përplasjet e bandave janë mbi 40 të vrarë; kanë përgjakur Lezhën, Mirditën, Kurbinin, Durrësin, Vlorën dhe Fierin.
Edi Rama ka ekspozuar ndërtuesit përballë fuqisë së karteleve të drogës, teksa, si një antishqiptar që është, u ka vendosur Portin e Durrësit në dispozicion të grupeve kriminale të Aleksandër Vuçiçit”, shkruan deputeti demokrat Gjin Gjoni.
