Ish-zëvendëskryeministri Arben Ahmetaj, në një intervistë me “Çim Peka Live”, deklaroi se Rama e ka humbur fuqin&eum...
POLITIKE
“Rama bëri një antireformë territoriale”, Berisha: Ne do të synojmë ripopullimin e Shqipërisë!
PiranjatPërditësimi i fundit 5 Dhjetor 2025, 12:32
Kreu i PD-së, Sali Berisha akuzoi Edi Ramën se reforma territoriale që ai bëri dëmtoi vendin duke prodhuar pabarazi të mëdha mes qarqeve dhe ka rritur barrën mbi qytetarët.
Kryedemokrati theksoi se do të angazhohen në reformën territoriale me qëllim që ti shërbejë ripopullimit të Shqipërisë dhe jo shkretimit të saj.
Pjesë nga fjala e Berishës:
Edi Rama bëri një antireformë territoriale.
Qarku i Tiranës me mbi 1 milion banorë ka 4 bashki, qarku i Gjirokastrës me 120 mijë banorë, ka 7 bashki.
Kuptojeni vetë.
Pretendoi se me këtë reformë do të lehtësohej barra mbi qytetarët në rroga, është dyfishuar numri i parazitëve mbi qytetarët.
Por tashmë nuk janë të zgjedhur, janë të emëruar.
Shqipëria në raport me popullatën natyrisht duhet të ketë një numër jo shumë të madh të bashkive dhe komunave, por në raport me terrenin, nëse i qëndrojmë parimit që qytetarët duhet të kenë shërbime, duhet të kenë njerëzit e zgjedhur, duhet të kenë drejtimin, Shqipëria është tjetër.
E ka lënë të pavdekshme një kinez në vitet ’70. Udhëtoi nga Tirana në Fierzë, dhe u tha kolegëve të tij inxhinierë: pse thonë që Shqipëria është e vogël sepse vetëm Puka qenka sa Shqipëria. Sepse rruga ishte e gjatë.
Sot infrastruktura ka ndryshuar, por prapë kemi zona të largëta, kemi zona pothuajse pa infrastrukturë, që kur u bë reforma, ora për Shqipërinë rurale ndaloi.
Edhe një ligj që miratuam në vitin 2012 për të hequr 8 vite taksat për ata që investojnë në ato zona malore, e anuloi të parin.
Ka ndaluar ora atje.
Dhe tani do të shpërblejë kartelet me troje në male.
Ndaj edhe në këtë reformë ne do japim mendimet tona, kontributin tonë duke pasur parasysh, ne nuk i qëndrojmë skemës së mëparshme, nuk themi se do jenë 400 e ca bashki e komuna se disa prej tyre kanë ngelur stane bagëtish se njerëzit kanë ikur, por prapë se prapë aty ku ka mundësi dhe komunitete, ne do u qëndrojmë.
Ne do të synojmë ripopullimin e Shqipërisë.
Dhe kjo reformë duhet të jetë edhe në funksion të këtij parimi.
