Deputetja e Partisë Socialiste, Elisa Spiropali, i është drejtuar me një letër publike kryeministrit Edi Rama, pas protestave të d...
POLITIKE
The Times jehonë protestave: 'Mbretërimi' 13-vjeçar i Ramës përballë revoltës studentore
PiranjatPërditësimi i fundit 16 Tetor 2026, 11:28
Prestigjiozja britanike The Times i ka kushtuar vëmendje protestave studentore në Shqipëri, duke raportuar mbi kërkesën për dorëheqjen e kryeministrit Edi Rama dhe përshkallëzimin e përplasjeve në rrugët e Tiranës.
Në një postim në rrjetet sociale, The Times shkruan se Rama ka refuzuar të japë dorëheqjen, pavarësisht protestave që kanë përfshirë kryeqytetin. Sipas medias britanike, demonstruesit kanë ngritur shqetësime për kostot e larta të studimeve dhe korrupsionin e pretenduar, ndërsa kanë kërkuar largimin e kryeministrit.
The Times e përshkruan këtë valë protestash si sfidën më të dhunshme ndaj qeverisjes 13-vjeçare të Ramës. Kryeministri, sipas postimit, iu përgjigj kërkesave për largimin e tij duke refuzuar dorëheqjen.
"Kryeministri i Shqipërisë ka refuzuar të japë dorëheqjen mes protestave të dhunshme studentore që kanë sjellë kaos në rrugët e Tiranës. Demonstratat vazhduan në ditën e tyre të tretë të enjten, pasi mijëra protestues i vunë flakën një ndërtese qeveritare dhe dy bankave, si dhe hodhën gurë ndaj policisë të mërkurën.
Demonstruesit kanë kërkuar dorëheqjen e Edi Ramës për shkak të kostove të larta të shkollimit dhe korrupsionit të dyshuar. Të enjten, marshuesit bllokuan pjesë të qendrës së qytetit ndërsa brohorisnin "Rama jep dorëheqjen". Rama iu përgjigj me sfidë opozitës më të dhunshme deri më tani gjatë mbretërimit të tij 13-vjeçar," shkruan The Times.
