DashiMarrëdhënia me partnerin do përmirësohet mjaft gjate kësaj dite. Do i kuptoni gabimet e bëra dhe do mundoheni me çdo...
POLITIKE
“Vetëm kërkova dokumentet në shqip”/ Dauti për incidentin në Komision: Kërkova barazinë time në një komision për mundësi të barabarta
PiranjatPërditësimi i fundit 9 Prill 2026, 19:00
Ilire Dauti, kryetare e Komisionit për organizimin e Kongresit në ASH ka folur për incidentin e ndodhur në Komisionin për Mundësi të Barabarta, ku kërkesa e saj për materiale në gjuhën shqipe u shoqërua me tensione.
Dauti tregoi se situata agravoi kur nga drejtimi i mbledhjes u përmend thirrja e sigurimit, vetëm për shkak të kërkesës për dokumente në shqip.
“Kërkova vetëm materialet në gjuhën shqipe dhe kjo mjaftoi që të krijohej tension dhe reagim i ashpër.”-tha ajo.
Sipas saj, rasti bëhet edhe më i rëndë për shkak se ndodhi në një komision ku po diskutohej për barazinë dhe të drejtat e grave.
“Në një komision për mundësi të barabarta, kërkova barazinë time dhe ndodhi ajo që pa gjithë opinioni.”-shtoi Dauti.
Dauti e lidhi këtë ngjarje me problemet e vazhdueshme në zbatimin e ligjit për përdorimin e gjuhëve, i cili sipas saj has shpesh pengesa në praktikë.
Ajo përmendi se edhe pse ligji është në fuqi prej vitesh, ka raste të përsëritura kur nuk zbatohet, ndërsa situata bëhet më e ndjeshme edhe për shkak të diskutimeve në Gjykatën Kushtetuese për disa nene të tij.
Sipas saj, incidenti nuk është rast i izoluar, por pjesë e një problemi më të gjerë që lidhet me respektimin e të drejtave gjuhësore.
