Shqipëria do të karakterizohet nga kushte përgjithësisht të qëndrueshme atmosferike. Sipas parashikimeve të Institutit t&eu...
POLITIKE
"Arrestimi i Ballukut ishte provë për integrimin", Këlliçi: Në lojë është fati politik dhe penal i Edi Ramës
PiranjatPërditësimi i fundit 9 Prill 2026, 19:10
Çështja “Balluku” është kthyer në një test kritik për integrimin evropian të Shqipërisë, duke vënë mazhorancën qeverisëse përballë një kërkese të prerë nga Brukseli. Refuzimi për të lejuar hetimin e ish-ministres Belinda Balluku u konsiderua nga deputetei i PD Belind Këlliçi në “Task Force” në Syri tv, si një sfidë e hapur ndaj Bashkimit Evropian dhe një pengesë direkte për sistemin e drejtësisë.
Sipas zërave kritikë, qëndrimi i qeverisë nuk është më një çështje e brendshme, por një kapitull që ka marrë vëmendje ndërkombëtare. Pak kohë më parë, në emër të Parlamentit Evropian, kryetari i Komisionit për Marrëdhëniet me Jashtë, David McAllister, e ka cilësuar publikisht rastin si një "test kritik" për rrugëtimin e vendit drejt BE-së. Kërkesa për heqjen e imunitetit dhe lejimin e ndjekjes penale pa pengesa është e qartë dhe e prerë, duke mos lënë hapësirë për interpretime.
Megjithatë, përgjigjja e kryeministrit Edi Rama ka qenë një "jo" taksative, një veprim që interpretohet si pengim i drejtësisë dhe shndërrim i parlamentit në një "bunker personal" për të mbrojtur ish-zyrtaren e lartë. Ky qëndrim e tejkalon rastin individual, pasi tashmë në lojë konsiderohet se është fati politik dhe penal i vetë kryeministrit.
Sonila Meço: …në fjalimin tënd ku fole për çështjen e projektligjit për portet. Dëgjova edhe Gazmend Bardhin që foli për çështjen e oligarkëve dhe investimeve strategjike duke sjellë në vëmendje se përfituesit, domethënë po të shohësh shifrat, është llahhtarë, se unë po shikoja janë 40 projekte, janë shpërndarë vetëm në nëntë veta. Pashë sot një rezolutë që kërkonte PD-ja të kalonte për çështjen e kullave dhe të ndërtimeve që nuk u pranua nga nga mazhoranca.
Belind Këlliçi: Asgjë nuk pranohet.Kjo është histori e mbyllur nga ana e qeverisë tashmë dhe ky është një kapitull i mbyllur. Këtu është kërkuar në mes të Tiranës, para një muaji, nga kryetari i komisionit të marrëdhënieve me jashtë, David McAllister, në emër të Brukselit, në emër të komisionit të marrëdhënieve me jashtë, nga Parlamenti Europian, është thënë e zezë në të bardhë, është thënë publikisht që rasti Balluku është test kritik për integrimin e Shqipërisë. Kjo nuk të lë shumë vend as për interpretim, as për abuzim, as për ngjyra të ndryshme që mund t'i japësh kësaj lloj kërkese. Është fare e qartë. Heqja e imunitetit dhe ndjekja penale dhe mos pengimi i drejtësisë për të bërë punën e saj në këtë rast, është një kërkesë e prerë nga Komisioni Europian, nga Bashkimi Europian. Në këtë rast Edi Rama e ka dhënë përgjigjen, ka qenë taksative 'jo', ka penguar punën e drejtësisë dhe mbi të gjitha ka kthyer parlamentin në një bunker personal për veten e tij. Pra, edhe një herë, nuk flitet këtu vetëm për historinë dhe fatin e Belinda Ballukut. Në lojë është fati politik dhe penal i Edi Ramës.
Kjo histori, se ku do t'i japë pasojat, ne do të duhet edhe pak kohë për ta parë dhe jam i bindur që alibia që po tenton të ngrejë sot Edi Rama, Taulant Balla dhe mazhoranca në parlament, është pikërisht për shkak të përgjigjes që do të marrë, për shkak të këtij vendimi për t'i dalë kundër hapur një kërkese të Bashkimit Europian për të vijuar Shqipëria rrugën normale drejt integrimit Europian dhe për të mbrojtur Ballukun.
Sonila Meço: Po kjo nuk ka lidhje me atë që thoshe sot në fjalim, që sot ka privatizuar të gjithë Shqipërinë Edi Rama.
Belind Këlliçi: Ndërkohë, sot që ne flasim, Edi Rama vijon me një shpejtësi marramendëse të kalojë ligje speciale, të fusë me urgjencë në parlament ligje të qepura sipas porosive të tij, e qep kostumin dhe ligjet, i mungon vetëm emri aty, kamuflohet sikur kjo është në interes të zhvillimit qoftë ekonomik të Shqipërisë apo turizmit. Ka qenë qesharake replika sot e kreut të grupit parlamentar të PS-së, Taulant Ballës, në raport me ligjin e parë që u diskutua sot në parlament, ligji për portet turistike...
