Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
EDITORIAL
Rama kërkon Parlament luksoz në mes të krizës ndërsa në Australi është Parlamenti nën këmbët e qytetarëve
PiranjatPërditësimi i fundit 16 Janar 2026, 13:07
Nga Piranjat News
Pas përmbytjeve që dëmtuan rëndë bujqësinë, si dhe pas goditjes së shumë bizneseve nga shirat, qytetarët po përballen çdo ditë me vështirësi ekonomike. Pensionistët vuajnë nga rritja e pamjaftueshme e pensioneve, ndërsa mbështetja sociale për jetimët, invalidët dhe personat në nevojë mbetet jashtë çdo standardi dhe shumë larg përmbushjes së nevojave bazike.
Në këtë kontekst, Kryeministri Edi Rama, me një deklaratë të prerë në mbledhjen e Grupit Parlamentar të Partisë Socialiste, hodhi idenë e ndërtimit të një godine të re të Parlamentit, duke përgatitur opinionin publik për një projekt luksoz. I pakënaqur me “nuancat e vjetruara” të Kuvendit, ai argumenton se godina duhet modernizuar dhe kthyer në një ambient më të sofistikuar. Por kjo vjen në një kohë kur qytetarët vuajnë dhe mezi ia dalin të mbyllin muajin.
“Duhet ta vazhdojmë me administratën e kuvendit që kemi kohë që themi që duhet të modernizohet dhe të mbështetet nga një transformim teknologjik dhe nga ana tjetër duhet që të vendosim edhe piketat në një kalendar të qartë për godinën e re të Parlamentit të Shqipërisë. Të gjitha këto bashkë ndihmojnë për ti dhënë më shumë energji pozitive punës së deputetëve”, tha Rama.
Një fakt na tregon se sa larg në hapsirë kohë dhe mendësi jemi.
Parlamenti i Australisë (Parliament House) në Canberra është ndërtuar 1923 dhe përfundoi në vitin 1927
U inaugurua zyrtarisht më 9 maj 1988, në 200-vjetorin e mbërritjes së kolonëve të parë britanikë në Australi.
Për sqarim: Nga viti 1927 deri në 1988, Parlamenti funksiononte në një ndërtesë tjetër, të quajtur sot Old Parliament House. Prej asaj kohe janë bërë vetëm rinovime teknike dhe mirëmbajtje (sisteme elektrike, siguri, IT, restaurime të brendshme), por jo një rikonstruksion i përgjithshëm i ndërtesës.
Ndërtesa aktuale është projektuar të jetë e integruar me terrenin dhe ka një çati të mbuluar me bar, mbi të cilën qytetarët mund të ecin simbolikisht “mbi Parlamentin” për të treguar se populli është sipër dhe jo e anasjellta.
E pra këta të Australis nuk e duan luksin dhe modernizimin.
